Spurt og svarað um Covid og matvæli

Yfirvöld hafa ákveðið að setja á samkomubann frá og með aðfararnótt mánudagsins 16. mars. Bannið var upprunarlega í fjórar vikur, til og með mánudagsins 13. apríl (annar í páskum). Nú hefur hinsvegar banninu verið framlengt til og með 4. maí. Samkomubannið verður í stöðugu endurmati, gæti lengst, styst og breyst eftir því sem aðstæður kalla á.

Skilaboð frá Bónus

Kæri viðskiptavinur Bónus,

Mikil óvissa ríkir um þessar mundir vegna Covid-19. Það er mikið álag á verslanir okkar og sérstaklega hjá okkar góða starfsfólki, sem er að gera sitt allra besta að verða við þörfum viðskiptavina. Við biðjum því okkar viðskiptavini að sýna okkur biðlund, virða nálgunartakmörk og reglur hvað varðar fjölda viðskiptavina inn í okkar verslunum.

Við berum öll mikla ábyrgð og því mikilvægt að allir leggist á eitt við að halda þau fjarlægðarmörk á milli einstaklinga sem ætlast er til ásamt því að hjálpa okkur að halda verslun hreinni. Til að okkur takist þetta með sóma verðum við að hjálpast að við þessar erfiðu aðstæður. Takk fyrir að sýna okkur skilning og þolinmæði.

Kær kveðja, 

Starfsfólk Bónus

Aðgerðir Bónus

vegna Covid-19

HERTAR REGLUR

Samkomubannið nær frá og með 24. mars til skipulagðra viðburða þar sem fleiri en 20 manns koma saman. Við öll minni mannamót þarf auk þess að tryggja að nánd milli fólks sé yfir tveir metrar.

Matvöruverslanir og lyfjabúðir

Matvöruverslanir og lyfjabúðir mega engu að síður hafa allt að 100 manns inni í einu að því gefnu að gætt sé að því að hafa 2 metra á milli manna. Þá er matvöruverslunum sem eru yfir 1.000 fermetrar að stærð heimilt að hleypa til viðbótar einum viðskiptavini inn fyrir hverja 10 fermetra umfram 1.000 fermetra, þó að hámarki 200 viðskiptavinum í allt.

Bónus vill ganga lengra og eru allar verslanir með fjöldatakmarkanir milli 30-100 manns inn í verslun í einu þótt að stærð í sumum verslunum leyfi fleiri.

Covid.is - Við erum öll almannavarnir

Listi yfir æskilegt birgðahald heimila í heimsfaraldri

Dæmi um matvörur með langt geymsluþol ásamt tékklista.

Skoða nánar

Deildu þessari síðu